ЭКСКУРСІЯ Ў НАРОДНЫ МУЗЕЙ А.С. ПАШКЕВІЧ (ЦЁТКІ)
Важнае месца ў выхаванні моладзі, забеспячэнні захаванасці каштоўнасцей гісторыі, культуры, а таксама ў пашырэнні ведаў пра значныя падзеі мінуўшчыны і сучаснасці сярод дзяцей і моладзі належыць музею. Трэба клапаціцца пра духоўнасць падрастаючага пакалення. Вельмi важна напоўніць сэрца маленькага грамадзяніна міласэрнасцю, шчырасцю, прагаю да ведаў, імкненнем служыць свайму народу, сваёй Бацькаўшчыне. Добрую дапамогу ў гэтай справе аказвае яркае, як след бліскавіцы, жыццё слаўнай нашай зямлячкі – Алаізы Сцяпанаўны Пашкевіч (Цёткі). Вось сёння наш клас і пабываў на экскурсіі ў вельмі цудоўным месцы, музеі Алаізы Сцяпанаўны, які знаходзіцца ў г.п. Астрына. З вялікай цікавасцю дзеці слухалі пра жыццё і творчы шлях паэтэсы, назіралі за фотаздымкамі, друкаванымі выданнямі і тым гістарычным бытам, у якім жыла сама Цетка. Усім вельмі спадабалася. Музей нікога не пакінуў раўнадушнымі. Дзеці ганарацца тым, што з'яўляюцца землякамі славутай паэтэсы.
